[sara-momo]

الســــــــــــــــــلام عليكم...

انا بنت زي كل البنات اسمي سارة عمري 20 سنة لما كان عمري 17 تعرفت ع شاب كان اكبر مني ب 4 سنين امي كانت تدرس فيه مع ان امي كانت ماتحبه ابدا
بس انا بدمه الخفيف جذبني كلمته من وراء اهلي واعترفلي بحبه من تاني يوم مريت بمشاكل مع اهلي بسببه بس استمريت مع هدا مع انهم مش عارفين من هو..
حبيته وكلمته ع مدار 3 سنين
وفي يوم من الايام وصلني من صديقاتي كلام انه يعرف غيري ويقوللها نفس الكلام اللي يقولهولي
صح زعلت بس بعدها سيبته تركته يعني بس مع اصراره ولانها عشرة سامحته
بس مكانته تغيرت في قلبي
وبديت اتجاهله وما ارد ع مكالماته وفي هده الفترة تعرفت ع شخص تاني
اسمه محمد سبحان الله ارتحتله اكتر من سراج سماني نصفي التاني ويهتم فيا ويفهم فيا
هو اللي كان يواسي فيا ويطلعني من النكد اللي عايشة فيه
كنت اعتبره اخ وصديق كنت احكيله ع سراج وهو كان يحكيلي ع صاحباته لانهم كانو هلبة صحيح كنت نتضايق لما يحكي عليهم بس كنت اسكت
يوم من الايام كان بيسافر كلمني قبل مايسافر بنص ساعة قتله محمد تعرف شكلي غلطت في سراج ونبي انكلمه
سكت وقالي هاتي رقمه
في البداية رفضت بس لثقتي بيه واصراره عطيته
سكر مني ورجع كلمني بعد 10 دقايق
سالته شو صار معاك قالي عطيت الرقم لبنت وقتلها استعملي معاه كل قواك الحربية ولما ارجع نبيه يكون حبيبك
وبعدها قالي اوعديني ماتكلميه حتى ارجع وقالي هلا موعد رحلتي لازم سكر
انا قعدت مصدومة....
استنيت رجوعه بأحر من الجمر
لما رجع سألته شو صار معك قالي اللي تحبيه ماينفعك انتي ارقى واحسن منه هو مايستاهلك اتركيه...
تركت سراج وكرهته وطلبت منه ينساني وهو حتى مايعرف شو صار
محمد صديقي مرات انحس فيه قريب مني هلبا ومرات يبعد
لما يتصل بيا ابن عمتي هو يخش انتظار قالي بالله عليك ماعادش تكلميه لما تحكيلي عليه احس بسهم دخل لقلبي قالي عمري ماحبيت قتله ممكن مالقيتش ياللي تفهمك قالي انتي اكثر وحدة تفهم فيا....
علاقاته مع البنات هلبة ويقوللي انت اكتر وحدة انعزها واحلى وحدة عندي مسميني نصفي التاني
يجيني للمدرسة وكل مرة يختلق في عذر...
مرة يقولي مريت في جهة مدرستكم تدكرتك(مع انه ماكان يمر في جهتنا)
ومرة قالي صاحبتي كانت في جنبي قتلها نوريك صاحبتي التانية
ومرة مريت عليك حتى اوريك سيارتي الجديدة
وكــــــــــــــــــــــــــــــــــــــــل مرة عذر بشكل
سألني مرة تحبيني قتله انعزك
رجع سألني تحبيني قتله انحبك زي خوي
رجع سألني تحبيني قتله خيرك محمد قالي بلاش خلاص مش لازم
مرت ايام ع هدا الحال كان ديما يسأل فيا يقوللي لو نموت تبكي عليا ارد عليه انت نصفي التاني ولو جي يوم لقيت روحي ميتة مش حنسأل ليش لأنك نصفي التاني ومانقدر اعيش بنص بس
مرة سألته لو انموت تبكي عليا قالي اجن مووووووت
وبعدها قالي والله ماحنكذب عليك بنقولك حاجة اول مرة اقولها لبنت ومن قلبي
قتله خير ان شاء الله قالي.. ا ن ح ب ك هكي بالشكل هدا
بعدها ع طول غير الموضوع
بعدها بيومين قالي انا مسافر لأسبانيا وممكن افضل هناك شهر شهرين تلاتة ممكن كمل حياتي كلها في اسبانيا
ردي بالك ع نفسك
وانا ظليت ابكي ابكي بس بدون مابينله
والله اشتقتله موووووووووووووووووووووت ومش عارفة شو اللي لازم اعمله
انا فكرت انه لو قدر ينساني لازم اعفس ع قلبي واساه
بس والله مابأدي بس لو يطمني عليه وعدني انه حيكلمني بس لهلا مأتصل
ليه اسبوعبس مسافر مر عليا كأنه 10 سنين...
بليــــــــــــــيز ساعدوني
هل هو يحبني
هل ممكن يكون مش مسافر وعمل هكي حتى اشتاقله
ارجوكم ماتبخلو عليا بردودكم لأني حايرة وأخترنكم انتم حتى تساعدوني

مشكورين مقدما....!

[نادرة بطبعي]

ههههههههههههههههه شي

[sara-momo]

ان شاء الله ربي يوفقك في اختباراتي

[هالة الفردوس]

اختي العزيزة قصتك جد مؤثرة لكن ان كنت تريدين رايي
فانا انصحك بان تحاولي نسيانه
لكن هذا لا يعني انه لا يحبك كما لا يعني انه يحبك
اتركي حبه لوجه الله و غيري حبه بحب الله
فلربما جعله الله من نصيبك لطاعتك له
و اتقي الله في نفسك

[sara-momo]

شكرا بارك الله فيك ع نصيحتك الذهبية بس ياريت لو اقدر