قصة قلب في قلب الرياض ؟؟؟ قصه واقعيه

[وش ذنبي دام الحلى مبتليني]

حكاية ليست من نسج الخيال
يمتزج فيها الألم بالحسرة
والضعف بالانكسار
يتسيد فيها الحزن على كل ما سواه
فيطغى على اشلاء قلب مسكين
حكاية مأساوية بكل مافيها من دقائق
روتها لي فتاة تعايشت معها
وعرفتها كما عرفت نفسي
حكاية حدثت على أرض الواقع
وشهدت تفاصيلها مدينة الرياض
عاشتها صبية منذ ولادتها وحتى هذه اللحظة
روحها ليست من هذا الزمن
بل هي ملاك من سماء الرحمة
خُلقت لغيرها ولم تشعر يوماً بلذة عيشها أوحتى بوجودها
عانت طوال سنوات عمرها التي تربو عن الأربعين
ومازالت تعاني
تساهر الوحدة وتسليها الجروح وترافقها الدمعة
اترككم معها لتعيشو الجو



ورده زرعها رب من فوق سبعاً سماوات


في رحم انثى مثل كل النساء الامهات


حانت الساعه وشرقت على الدنيا مُزهره


ورده من حلاة عيونها تشوف الدنيا متبسمه


حُولها وردات وغصونً مشنبات(ن) ساطيات


مرت الايام والوردات كل يومً في نبات


كل ما عدت ايام تسحبها ايامً مُخيفات


وكل ما جات لحضة صمت تعجز فيها الناطقات


تنطق الورده بكل هامه من دون همهمات


شالت البستان فوق راسً حفظه الله من كل الحاسدات


تهتم في وروده وفي كل اغصان الاشجار المايلات


تهتم في رب بستانها وام كل الورود واغصانها الباسلات


دارت الايام وكل ورده لقت غصن يحملها من العاصفات


وكل غصن من بستانها تخلا عن وروده الطيبات


وما ابقا غير وردتنا وام واب مايطيق الحياة


كيف يحيا والغصون اللي زرعها صارت شباب(ن) طايشات


يا شيخ(ن) زرعت في حدايقك الغصون العاصيات


واليوم بعد ماكبرتها وضيعت الشباب فيها تربيات


مابقا لك غير وردتك الصغيره من بد الكبار الشامخات


في حضنك الدافئ ياشيخ لاتحسب الايام الفايتات


حطتهم الورده في حضنها وتسهر عليهم بعيونً طايعات


تجري الايام والشيخ ماتحمل قسو اغصان عاصيات


طاح من قامته في حضن وردته الصغيره وحظانها متلقيات


صاحت بصوت(ن) تصدع لحزنه حجار في جبال مثبتات


اصـــيح وبـــاعلــى صـــوت اســمــعونـي
يلي كـبرتهـــم بيدينــــي لا تخـــذلـــوني


وين الملـــــبي اللـي لانــدهــته يلــــبيني
ويــن الضـــماير اللــي زرعــتها بيــدينـي


وين الحــياة اللــي راحــت مـن عـــيوني
من يعــيد الامــل لاراحــت ايـام اسـنيني


وش ذنـب قلــبي تحـمـلــوني والــديني
يالعــنبو مـن تخـلا عــن اهـله ويجـافيني


واقف على رجلــه وأنا رجلي ماتقــويني
انكسـر قلــبي انكـسر كـل شـــي فيني


عصـّــاتٍ تناســونا وفــي الـهم اتركــوني
اشقي علـى حضـي ولا علـى شيبتيني


وصلت السن اللـي مفــروض يزوجــوني
حمــلــوني مســؤليـــه تكــسر عاتقــيني


احرمت نفسي مـن حـــلا الــدنيا وزينــي
لجــل اطـيع اللـي ربونـي وعــــــلـمـوني


كل مـن حـولي راح وعـاش وحـاسـديني
وأنا بقـيت صـامده فـي وجه من يعاديني


والـــيوم اعلــن والــدي رحلـته وفارقـني
بكـيت والـدمـعه مـن قـساها مـاتواسيني


ونقطــع رزقـه علـينا يلله برزقٍ يصـبرني
ومـرت الايام سـودا فـي حـزن وتعـزينـي


تعــديت الشـباب وامـي بقـربي توصـيني
اطـالع بنفـسي وعـيش حـياةِ وتوهـمني


صـبرت وتصـابرت وقـلـت السـعاده بديني
اطيعك وكمل مشـواري اللـي يشاورني


وحملتها ومن كل علاج اداوياها وتداويني
محداّ لنا غير ربٍ في طاعته يغـفر ذنوبي


تصـــابرت وشـرقـت شمس يومـاً وتكويني
واعلـنت امـي رحلـتها من الـدنيا وتخليني


ومن وقـتها عـشت فـي سكـوت يدفـيني
بعـد رحــيل شمـعة الـبيت اللـي تضـويني


الله يسامح قلوب قاسيه بسهوم ترميني
وان صــرخـت زادو سـهوم وطـعن يقـتلني


انقطع صوتي وتهت وضاع مافي يــديني
يالموت عجل وخذني دام الدنيا مــاتبيني



بكت وتبكيها عيون تعرفها


مشت وكسرت لأيام رجول تمشيها


ماتبسمت من عاشت على الدنيا واراضيها


لها ناس ماتحس فيها وتواسيها


هذي ورده من بين مليار وردات


عاشت على الدنيا مثل كل العايشات


بس ماتهنت مثل باقي المتهنيات


قدر وانكتب شقاء بدون اي امنيات


يالله عسى تجمعها


في الديار الخالدات


بمن عاشت لجلهم في صحوه وفي سُبات



اعجبتني لجمال مكنوناتها فنقلتها لكم
دمتم بحفظ الرحمن