فهد المساعد سالفة عشاق

[شادن الهيلا]

مسا الخير ع احلى منتدى
من اجمل ما كتب الشاعر الكبير فهد المساعد حبيت تقروة

من بغى الفرقا لقـى لـه عـذر واسبـاب ودليـل
خـل عنـك العـذر والاسبـاب دام الحـب ضـاع

كان ودك بالفراق .. ابشر عسـى عمـرك طويـل
لاتـردد وانـت لـك كلمـه ولـك امـر ٍ مطـاع

لـي عليـك انّـك تبّـت بكلمـة ٍ تشفـي الغليـل
ولك عليّ انـي لأوّقـف وقفـة الرجـل الشجـاع

لاتجاملني مخافة ( قال ) مـدري خـوف ( قيـل )
عمر ( هرج النـاس ) مايسمـن ولايغنـي جيـاع

كان قصدك ( سر حبك ) .. اوعدك لأصبح بخيـل
واحمل اسرارك معي للمـوووت قـدر المستطـاع

بس قلها ... قل ما احبك ... وابشر بصبر ٍ جميل
لاتحسب أني مثـل مـن طبعهـم لـوي الـذراع !

صاحبـك ماهـو كـذا ياصاحـب القـد النحـيـل
صاحبك طبعـه غريـب وغربتـه غربـه طبـاع

فـي الهـوى مايقبـل الحـل الوسـط ولا القليـل
مثل ماهو لاشرى يشـري .. ليامـن بـاع بـاع

ثابت ٍ لو هي تميـل الارض حـدره ... مايميـل
يـدري ان الفقـر ماهـو عيـب والدنيـا متـاع

ماعشـق لـذّة حياتـه كثـر عشـق المستحيـل
ولا كـره حتـى مماتـه كثـر كـره الأنصـيـاع

كم تعلّم مـن شديـد البـدو وش معنـى الرحيـل
وكم تعلّم من غروب الشمس وش معنـى الـوداع

وكم تعلّم من سحاب الصيف وش معنـى الحصيـل
وكم تعلّم مـن ليـال البـرد وش معنـى الضيـاع

ايه انا هذا طريقي ( موحش .. وصعب .. وطويل )
وانت لامنـك تعبـت .. العالـم فجوجـه وسـاع

اعتبرنـي فـي بدايـة سكّتـك عـابـر سبـيـل
و رح وانا قلبي معك من ويـن وجّهـت الشـراع

يكفي اني لاانذكرت فـي سالفـة عشّـاق .. قيـل
:عاشر احبابه شجاع .. وفـارق احبابـه شجـاع

[سحر الراشد]

روووووووووووووعه يسلمووو

[(^*غـمـــــووووض*^)]

كان ودك بالفراق .. ابشر عسـى عمـرك طويـل
لاتـردد وانـت لـك كلمـه ولـك امـر ٍ مطـاع شدووووووووووووووون فديتك وربي ذووووووووووق

[شادن الهيلا]

المشاركة الأصلية كتبت بواسطة سحر الراشد

روووووووووووووعه يسلمووو

يسلمك ربي مرورك الاروع

[شادن الهيلا]

المشاركة الأصلية كتبت بواسطة (^*غـمـــــووووض*^)

كان ودك بالفراق .. ابشر عسـى عمـرك طويـل
لاتـردد وانـت لـك كلمـه ولـك امـر ٍ مطـاع شدووووووووووووووون فديتك وربي ذووووووووووق

منور يالشيخة والله انتي اللي ذوق