دونات بالجبن ,,, لذيذة

[دلوعة أهلها]

السلام عليكم ورحمة الله وبركاته

هذا وحدة من زميلاتي قالتها لي ...


لما تسوينها بيقولون لك سويها مرة ثانية وثالثة لما تطفشين منها


المقادير:
3 ملاعق أكل حليب بودرة
3 ملاعق أكل سكر
1 كأس ماء
1 ملعقة أكل خميرة
بيالة زيت
طحين
جبن كيري
سكر ناعم بودرة
زيت للقلي

طريقة العمل:

علشان أنتي ماتعرفين العجينة من الأساس رح أشرح لك الأساس وانتي تمشين كل مرة تسوين فيها أي عجينة

القاعدة الأولى: تبين تصير عجينتك هشة لازم تصير مثل العلك لاهي عصة مثل الصخرة ولاهي لينة حيل مثل كيف؟ تخلين آخر شي الزيت والطحين وينضافون للخليط بالتدريج
القاعدة الثانية: في وقت الشتاء طلعي مقاديرك بدري من الثلاجة علشان تنزل درجة برودتها والميوة دفيها شوي على النار علشان لما تعجنين تشتغل الخميرة صح على العجينة

هذي القاعدة الأولى من أمي لأني مرة في رمضان سويت عجينة قاسية شفتها أمي قالت الله اصخرة
والثانية مني أنا من اكتشافي وايدتني أمي عليها

نرجع لموضوعنا تحطين أول شي الحليب والماي و السكر والخميرة وتحركينهم بالملعقة بعدين تحطين شوية طحين وشوية زيت وتحركينهم بالملعقة وتحطين شوية طحين وشوية زيت وتعجنين إلى أن تصير العجينة متماسكة وتغطينها إلى أن تختمر

بعدين تاخذين شوية من العجينة وتكونين قبل مقصصة الجبن مربعات صغار فتحطين الجبن داخل العجينة وتكورينها وتكررين هذي الطريقة أكثر من مرة لمن يكون عند كرات كثثيرة

بعدين

تشغلين النار على مقلى الزيت وتقلين الكرات لمن يصير لونهم ذهبي بعدين ترشينهم بالسكر الناعم وقبل ماتفتحين فمك با تاااكلين اااصااابعك ...

ادعوااااالي ان الله يسر امررري

[@سامحني قلبي سأقسو عليك@]

يسلمووووووووووووووو بجربها

[بروش]

يسلمووووووووووووووو بجربها

[بروش]

تقبلي مروررررررررررررررررررررررررررررررررررري

[دلوعة أهلها]

الله يسلمك سامحني قلبي ...