طريقة طبخ السليق بالصور

[فجر الماضي]

طريقة طبخ السليق بالصور



أمي الله يحفظها و يخليها و يطول في عمرها كل ما سوت السليق بالحليب ما تستعمل طريقه معينه و لا مقادير محدده و كل مره أحاول اسوي السليق الله لا يوريكم <== نسمم به بسس الحاره
بس بعد جهد جهيد و تعب و متابعات سريه لأمي قدرت أجيب الطريقه الممتازه
تعالوا معي حبه حبه

جيبوا قدر<== قولي والله
حطوا فيه 7 كاسات مويه
و نص دجاجه منطفه و مقطعه
و ثلاث حبات هيل دقوا الحبات كل وحده دقه وحده بس علشان تنفتح و يطلع طعمها لا تفتتوها ثم ما تقدرون تطلعوها
و ملعقه طعام ملح و رشه فلفل و كسره مستكه صغيره
خلوها على النار ربع ساعه و في هذا الوقت نقعوا الرز و نطفوه زيييييييييييييين علشان يجي لونه أبيض يفتح النفس
الرز كميته كاسه و نص
المهم طلعوا من المرق الهيل ثم حطوا الرز المنظف على المرق و خلوه يطبخ إلين ما ينزل الماء و يصير مستواه مع مستوى الرز <==يا ريت تكونوا فهمتوا علي
قوموا جيبوا في زبديه كاس بودره حليب و نص كاس مويه و ذوبوا البودره في المويه <== أمي تستخدم النيدو عشان طعمه حلو مع الرز
المهم لما يذوب الحليب زين لا يصير فيه كتل <==تقدرون تحطونه في الخلاط
حطوا الحليب على الرز و حلوه على نار هادئه إلين ما يتشرب الحليب بس لا ينشف مره ترى السليق حلاوته لما يكون فيه شويه مويه و يكون لين
و حطوا معه بروست و بالصحه على قلوبكم
عارفه إن الطريقه شكلها يخوف بس تراها مره سهله أنا أحفظ في الثلاجه الدجاج مقطع و منظف و الباقي حطيه بسرعه و أمشي أجلسي على الكمبيوتر إلين ما يستوي
و يا ريت تزبط معاكم
و لو كان المويه قليله ممكن تضيفي شويه مويه <== رجعت تعك
أسكت أحسن و اخليكم تجربوا بأنفسكم <== بعد الحوسه ذي ماحد مجرب

[ﻵٺـشڲـﭝـلـے ٲبگيلڳ]

يم يم انا احبها مره مشكوره

[ღنغم القلوبღ]

يسلموووووووو

[امال الجزائرية]

اممممممممممممممم جوعتينا
مشكوووووووووووووورة