بنت عمرها 8 سنين متزوجة وعندها اولاد واحفاد!

[هبة]

السلام عليكم يا بنات
وحشتوني ووحشتني تعليقاتكم على كتاباتي وموضوعاتي


امبارح وانا بأقلب في دفاتر الجامعة القديمة وابحاثي ايام ما كنت بدرس علم اجتماع وقع في ايدي بحث عملته انا وزميلاتي في لبنان بس انا انفردت بيه لغاية ما وصلت لسره.....


اكيد الاغلب اتخض من العنوان وقال ازاي...
بس هيدي الحقيقة.....


حقيقة بنت عمرها 8 سنين عايشة في بيت عادي اوي مع اهل بيحبوها اوي وهي وحديتهم يعني بنتهم الوحيدة كانت كل يوم تقول لاهلها انا مش بنتكم انا ام وجدة وعندي اولاد واحفاد...


ده الي وصلني بالحرف من امها الي اتصلت بدكتور في الجامعة يقربلها وعلى اعتبار ان الموضوع ده يخص اخصاء علم نفس واجتماع فطلب منا اننا ندرس الحالة دي الي على الاغلب هوس وتشتت نتيجة وضع معين نفسي بتعيشه البنت خلاها تقول وتصر على كده بس بعد فترة وبحث دقيق انا وزميلاتي اكتشفنا المفاجأة الرهيبة...ان كل كلمة قالتها البنت دي ووصفتها عن عليتها ومكن بيتها وكله صحيح مية في المية وبدانا البحث اكتر...


ده مختصر لكل القصة الي حقلهالكم...وانا متأكدة انك حتستفادو منها كتير اوي اوي...وانا حكتبها بأسلوبي الخاص الي بتحبوه وما حدش يزعل مني ان مش حقدرر انزلها كلها على بعض لانها طويلة وفيها تفاصي وانا بجد ما عنديش الوقت الكبيرة اني اكتب كل ده والي حنقله من البحث القديم بتاعي .....


مستنية اراءكم وتعليقاتكم بعد كل جزء...


نبدأ بالجزء الاول.....


بسم الله

الجزء الاول

من اربع سنين تقريبا عرفت فرح شاهين الحالة الي طلب مني استاذي في الجامعة اني ادرسها اانا وصاحبتي سمر...
قبلها قعدنا كلنا مع الاستاذ واطلعنا على الحالة وكيفية التعامل معاها لاننا لسه طلبة ومش دكاترة ومش على دراية كاملة بلي ممكن نعمله انما دي كانت فرصتي انا كنت حاطة في دماغي انها فرصتي ولازم احقق فيها حاجة مهمة على اعتبار ان الحالة دي اول مرة تصادفنا ....

اخدنا ميعاد مع الام وروحنا انا وسمر....سمر كانت علم نفس وانا علم اجتماع...يعني على حسب كلام الدكتور نكمل بعض....

دخلنا الشارع الي ساكننين فيه ال شاهين بصراحة راقي اوي...والعمارة على ارقى...قالت سمر ..
-ايه يا ورد دول بينهم اغنيا اوي...
- لي هي العقد بتطلع غير من الاغنياء تلاقي امها على سهرات وابوها مسافر لغاية ما البنت تعقدت
-لا يا ورد هي وحيدتهم ومدلعينها اوي
-اه اه الملف بتاعها مبارح بليل تابعته هي مدلعة اوي امها ما عندهاش غيرها....بدراستي الاولية لحالتها اعتقد ان الوحدة خلت عندها نوع من التوحد الذاتي وبدأت تتخيل امور معينةلغاية ما صدقتها
- كل دي تكهنات..واهم حاجة في شغلنا اننا ما نتوقعش حاجة غير اما انشوف الحالة
- عارفة يا سمر انا بس بحط احتمالات عشان يسهل علينا الشغل...

وصلنا لشقتهم...فتحتلنا الخادمة ورحبت بينا...بعد شوية جت الام...الست مهى...ست انيقة واكابر اوي....بس الحزن الرهيب الي في عينيها قدرته اوي...معاها حق بنتها الوحيدة دي...

دردشنا شوية في حجات عادية بعدين سألتها انا عن فرح...
-مدام مهى احكيلي شوي عن فرح طفولتها...
- قالت بحزن: فرح بنت ذكية اوي اوي وده اكتشفتو من اما كان عندها 3 سنين كانت تحفظ اي حاجة بسرعة واي حاجة تتقال قدامها تحفظها دي كانت حافظة عواصم العالم وجدول الضرب من هي وعندها 4 سنين...
-ما شاءالله....طب وهي تحب الناس ولا تلاقيها تحب تقعد لوحدها
-لا كانت اجتماعية اوي بنت ولا كل البنات في خفة دمها وجمالها....الا من فترة قريبة حصلها الكلام ده بعد وفاة جدتها كانت بتحبها اوي اوي وكانت عايشة معانا..بعد وفاة جدتها اتصدمت وما بكيتش جالها سخونية دخلناها المستشفى وفي في حالة لا وعي كانت تكرر حجات وجمل كتير زي انا عليا انا بيتي في جبل لبنان انا مش فرح وكلام مش مفهوم ومن يومها واحنا على الحال ده..تخيلي دي بتعرف الحرب العالمية التانية والي حصل فيها وتقول حجات تخص الفترة دي...

- تدخلت سمر في الموضوع وقالت: عرضتيها على دكتور نفسي قبل كده
-لا خفت عليها تتعقد ذيادة...فطلبت من الدكتور خليل يشوفلي حل وبعتكم لية كده افضل ان شاءالله تساعدوني.
- مسكت ايدها وقلت: حساعدك بإذن الله...ممكن نشوفها
-اوي اوي اتفضلو....

دخلنا قودتها لقينا بنت شعرها اسود طويل ولابسة فستان قصير وقاعدة على طاولتها بترسم بهدوء وبتغني....انا ركزت عليها وسمر ركزت على الغرفة بكل ما فيها حيطانها وارضيتها والحجات الي فيها ...اصل الحجات الي زي دي تنفع في البحث واكتشاف الوضع اكتر

قربت من فرح وقلتلها...

-مرحبا يا قمورة...
-اهلا(وكملت رسم عادي) بصيت علىي بترسمه كان شجرة حلوة بجد رسمها مبدع ودقيق)
-قالت امها: فرح دول صحباتي عاوزين يتعرفو عليكي...
-ضحكت وقالت: بس انا عم ارسم مش فاضية..
-قالت سمر: كل قودتك لونها اخضر
تدخلت الام وقالت: هي طلبت كده...عاوزة كل حاجة خضرة الحيطان الشراشف كله
-قلت بابتسامة: حلو اوي اوي..انتي بتحبي يا فرح اللون الاخضر
-ايوة بيفكرني بالضيعة..الجبل...
-بتحبي الجبل والضيعة
-اه بحس اني بحب اروح هناك كتير
-قالت امها: كل يوم اجازة بنخدها الحدايق والطبيعة هي بتطلب كده
-سمر: حلو اوي ما هما الرسامات الحلوين الي زييك اكيد بيشوفو باالطبيعة مكان حلو يرسمو منو
-قالت بحدة: لا مش عشان كده...عشان انا من هناك واتربيت هناك وولدت هناك
-بصت لامها الي لقيت في عينها حيرة ورفض لكلام بنتها وهمست في ودني وقالت: فرح ولدت هنا في المدينة عمرنا ما رحنا جبل نحنا اساسا من هنا من البلد ما عندناش ضيعة او جبل
(الي احب اوضحه بس ان لبنان فيه جبل الي منسميها الضيعة وفي عادي المدينة وفي سكان الجيب وسكان المدينة وفي ناس كانت ساكنة في الجبل ونزلت على المدينة وفي ناس من اساسها من هناك...)
- قربت من دفترها بتاع الرسم وقلتلها: ممكن اشوفه اصل سمر الي معاية دي عندها معرض للرسم ولو عجبها رسمك حتخليكي تشتركي فيه
-ضحكت وقالت: بجد؟؟؟
-ايوة..وريني

اديتني دفتر الرسم بتاعها حجات عادية عن الطبيعة وراسمة عيلة ست كبيرة في السن و جنبيها عجوز معاه عصاية واولاد كبار ومعاهم اولاد صغيرني تقربا اربعة كبار 3 شباب وبنت ...

قلتلها ببراءة: مين دول يا فرح..
-قالتلي نتعالي اقلك..قربت منها: دول عيلتي...
-بصراحة حسيت برعب وقلبي بدأ يدق ...قلتلها طب وانتي مين فيهم: انا دي(وراحت مشاورة على الست العجوزة)
-بلعت ريقي وبصيت على سمر الي ما كنتش فاهمة حاجة وقلت لفرح: اه بس دي ست كبيرة وانتي جميلة صغيرة...مش يمكن قصدك اانك دي(وحطيت صباعي على بنت صغيرة في الرسم)
-بصت لية بعصبية وقالت: لق دي....البنت الصغيرة دي حفدتي هند
-اه اه ماشي..واسمها ايه دي(الست العجوزة)
-دي انا علياء درويش...
-كملت معاها ومشيت مع كلامها : ومين الباقيين
-ضحكت وقالت ماشي حقلك عليهم : عندك الكبير كريم وجمال وسليم والبنت ريم...الصغيرة ريم...(شفت على وش ريم دموع)
-طب ريم ليه بتعيط..
-اصل جوزها مات في حاادثة عربية....
-اه اه..والباقي...
-دول اولاد كريم وجمال....جبران الصغير على اسم جوزي...والصغيرة اسمها هند..
-طب والراجل العجوز مين؟؟؟
-ده جبران(قالتها بحرقة)
-جبران مين..
-سكتت.....رجعت عدت السؤال: جبران مين...بردو ما ردتش... صرخت في وشها وقلتلها...(دده اكيد جوز علياء)
-وقفت وقالت: بكرهه اه بكرهه ما بحبوشششششششششششششششششششششش
-رعبتني بصراحة رعبتني....وفجأة قعدت وقالت : انا عاوزة انام اتفضلوا...وقعدت على رواقة وهي بتغني اغنية قديمة لنجاة الصغيرة بس بتغنيها بالهمس(كان قلي في يوم يا حبيتي ودي القمر ورحت معاه ولا اداني الا السهر...)وكملتها عادي كأنها حافظاها بالحرف...غنتها كلها...

طلعنا برة واول كلمة قلتلها لامها: انتو بتسمعو نجاة الصغيرة..
قالت باستغراب: ابدا...انا اساسا ما بعرف نجاة الصغيرة مين نجاة الصغيرة
قلتلها: الاغنية الي كانت فرح بتغنيها دي لنجاة الصغير
استغربت وقالت: انا بسمعها بتغني حجات كتير بس ما بعرفش ايه هي دول لنجاة
اه لنجاةة
لالا...ما م نعرفها

طلعنا من البيت واتفقنا نرجع تاني يوم....لغاية ما نزلنا من البيت وانا مصدومة...واخدت معاية الورقة الي رسمت عليها فرح صورة عيلتها من غير ما تحس....
قعدنا انا وسمر بعديها نشوف وصلنا لايه من المقابلة الاولى...
بس الي كان حيجنني ازاي بنت عمرها 8 سنين حافظة اغنية لنجاة الصغيرة وصعبة وهي عمرها ما سمعت حاجة لنجاة ولا اهلها يعرفوها....
سمر كانت بتقول ان الي عند البنت حالة من ااهوس جالها من جراء حمة وفقدان جدتها ....بس موضوع الاغنية ده قلب في دماغي حجات كتير...
سهرت طول الليل وانا باصة عل الصورة الي رسمتها فرح لعيلتها الي بتقول انهم ولادها واحفادها...رسم دقيق وكأني بشوف صورة فتوغرافية بجد...سرحت بالصورة اكتر واكتر وكنت بسجل كل حاجة بفكر فيها....

لغاية ما جيه تاني يوم..رحنا عندهم واخدت معاية سي دي لنجاة الصغيرة هدية لفرح...

يتبع

[ڤتٱۂ ٵڏهڷت ٱڸڠٵلم بهياطهآ]

قصــهـ في قمــة آلروعــهـ وآستمتعت بقرأتهآ كلمـه كلــمــه

آسلوبك في آلسسرٍد رائع آنــدمجت معهـآإ كثيراً وآخــذني آلى حيــث كنتي

آسلوبك في آلتشويق رآئع آكثر وآكثرٍ

آبـدعتي فـآلكتـآبــهـ وآسلوب آلطرحًٍ

بـآإنتظـآر آلجــزء آلثآني بششوق


دمتي بهــذه آلروعــهـ :)

××[/quote]

[رفيعه الذووق]

[COLOR="SlateGray"]



قصــهـ في قمــة آلروعــهـ وآستمتعت بقرأتهآ كلمـه كلــمــه

آسلوبك في آلسسرٍد رائع آنــدمجت معهـآإ كثيراً وآخــذني آلى حيــث كنتي

آسلوبك في آلتشويق رآئع آكثر وآكثرٍ

آبـدعتي فـآلكتـآبــهـ وآسلوب آلطرحًٍ

بـآإنتظـآر آلجــزء آلثآني،،،،،،،،،،،،،ودي قبل ردي،،،،،،،،/COLOR]

[بنوتة جميلة]

مشكورة بجد قصة رائع وفي انتظار الجزء الثاني

[ود القلب]

مشكورة ياالغلا في الطرح المتألق ... بارك الله فيك

في الانتظااااااااار

الله يحفظك

[بوشي وزيكوو]

يسسسسسلمؤؤ مرآ رؤؤعه آلقصصه وكمآن تخؤؤف....


بآنتظظآر آلآجزآ آلآخرى ع آححر من آلجمر ....

[امامة]

يسلمووووووووووووووووووووووووووووو ننتظر التكملة

[عـآإشـقـه أنـفـآإسسـه]

ننطرك................

[m!šš ρ!ηк]

ننتظر التكمله لاتتاخري علينا اندمجت بالاحداث كثير

[أموورة]

يسلمووووووووووو بصراحة قصر روووعة وانا متحمسة كتير انك تكميلها يلا وما تطولي علينا




بنستنااكيــ اوكـ

[ورد افيوني]

يعني ياريت قبل ما صاحبت الموضوع تكمل القصة تقول انها مش صاحبتها
وتقول مين صاحبتها
او تكتب على الاقل انها منقولة
صح يا هبة؟؟؟
مش كده تكتب الي بدها وتنسبو لنفسها
يب والله عيب
انا صاحبة التجربة وصاحبت القصة وبعنقد عيب كتير يتحط موضوع صاحبته تنسبه الها على الاقل كإدارة لام تتحققو من الموضوع ممكن المشرفات يعملو كوبي لجملو ويشوفو لى الجوجل وفوراا حتظهر قصتي في منتدى تاني .....

يني مش حلو لا بحقمك ولا بحق المنتدى وانا سجلت مخصوص لأني بالصدفة شفت اول جزء من القصة بتاعتي هنا

فعيب بجد عيب

[اريج الجورى]

اقتباس:
المشاركة الأصلية كتبت بواسطة ورد افيوني
يعني ياريت قبل ما صاحبت الموضوع تكمل القصة تقول انها مش صاحبتها
وتقول مين صاحبتها
او تكتب على الاقل انها منقولة
صح يا هبة؟؟؟
مش كده تكتب الي بدها وتنسبو لنفسها
يب والله عيب
انا صاحبة التجربة وصاحبت القصة وبعنقد عيب كتير يتحط موضوع صاحبته تنسبه الها على الاقل كإدارة لام تتحققو من الموضوع ممكن المشرفات يعملو كوبي لجملو ويشوفو لى الجوجل وفوراا حتظهر قصتي في منتدى تاني .....

يني مش حلو لا بحقمك ولا بحق المنتدى وانا سجلت مخصوص لأني بالصدفة شفت اول جزء من القصة بتاعتي هنا

فعيب بجد عيب



ياليت تقولى لى وش صار بالضبط

[ورد افيوني]

اختي الي حصل اني بالصدفة احد البنات المشتركة هنا في هذا المنتدى
والي مشتركة معاية في منتدى تاني مصري قالتلتي انها شافت القصة الي انا كاتباها هنا
اديتني اللينك ودخلت وفعلا شفت صاحبت الموضوع منزلة اول جزء من القصة والكل داخل يشكرها على القصة ويقلها كملي ويشيد بيها وبلي كاتباه
بصارحة اتنرفزت اوي لأنني انا صاحبة هذه القصة و هبة عارفة ده كويس اوي اوي وانا في المنتدى التاني اسمي وردة لبنان وهذه قصتي وتجربتي الخاصة

يعني على الاقل لو كتبت منقول او كتبت اسمي تحت القصة كنت قلت معلش وشكرتها كمان بس كده لق عيب بجد
ولازم الادارة تتحقق من كل الي بيتكتب بعد ما صاحبه ينزله اعمله يا جماعة سرش على المواضيع الي بيكتبوها هنا لو لقتوها فعلا موجودة لازم تضيفو كلمة منقول على مواضيعهم مش كده ينسبوها لنفسهم...

واسفة بجد على عصبيتي بس كوني مكاني تعملي ايه

شكرا

[سۈڪـرٲٳ ..♡ } ~]

استغفر الله العلي العظيم

طيب حبيبيتي ورد افيوني

كملي القصه

[سۈڪـرٲٳ ..♡ } ~]

انتي مش هبه

[الكساندرا]

حبيبتي القصه فوق الوصف واتمنى تكملي القصه باسرع وقت

[اريج الجورى]

ارجوا تكمله القصه لان لا اى ذنب للاعضاء بهذة المشكله

[أموورة]

يا عاااااااااااااااااااااااااااااااااالم كملولنا القصة

حرااااااااام عليكم

طيب يا هبة اعطينا رابط القصة من اي منتدى تاني

[هبة]

انا اسفة جدا جدا على انى مش كتبت كلمة منقول او اسم صاحبة بتاعة القصة انا اسفة اوى اوى وانا فعلا نسيت انىاكتي منقول فيا ريت تسمحونى.............

[هبة]

بسم الله الرحمن الرحيم

انا جبتلكم القسم الثانى وكمان شويه القسم الثالث والرابع وعلى فكرة ادينى بقول اه حبيبتى انه الموضوع اللى انا بنقلة ده منقول بس دلوقتى الجزء الثانى .
وخلينا فى القصة
بسم الله الرحمن الرحيم .


الجزء التاني


جيه اليوم التاني وانا كلي تصميم عشان اعرف حكاية فرح شاهين....ومعاية السي دي بتاع نجاة الصغيرة....سمر كانت بتشوف الحكاية من زاوية تانية...يعني مرض نفسي زي جنون هلوسة تخيل واسع...انا كنت بصارحة كنت تايهة بين الي بتقولو سمر..وبين الي بشوفو من فرح وبين الي بيقولو الدكتور خليل.....بس ما يأستش على الاقل...وبحاول وبجرب...
اول ما دخلنا بيتهم فتحتلنا الباب فرح ووراها والدتها...كانت سعيدة بينا وقالت..
-اهلا وسهلا
-قلت برقة: جبتلك معاية حاجة جميلة..
-ايه ده ؟؟؟
-سي دي فيه انية جميلة...تعالي نسمعها سوا..
-ماشي
وراحت جري على قودتها وشغلت السي دي...
نجاة الصغيرة لا تكذبي..اني رأيتكما معا..عيناك في عينيه...شفتاك في شفتيه..لا لا لا لاتكذبي...
انا قلت يمكن البنت تقولي ايه ده وايه الي بسمعه ده..لقتها سرحت في عالم تاني..وبصت للشباك..وراحت في دنيا تانية...ولا نطقت بكلمة طول ما الاغنية شغالة...عنيها فجأة تتحول لعيون اسد...مرعبة..وشوية تلاقيها بتدمع..صدقوني دمعت...كأنها ست كبيرة اتأثرت وفهمت معاني الاغنية....
فجأةة لقتها اتنفضت مكانها وراحت طافية السي دي وجري على سريرها وغ طت نفسها وقلتلنا (انا عاوزة انام)
خرجنا بهدوء ما حبيناش نضغط عليها...واحنا خارجين لقيت سمر بتقول لام فرح
-معلش في السؤال بس لازم اسأله من بعد اذنك
-اتفضلي...
-ارجوكي ما تضايقيش مني
-لا ابدا انا اي حاجة عشان بنتي انا مستعدة ليها
-حضرتك تعرضتي للخيانة...من جوزك اسفة
-بصيت لسمر بعاتبها على سؤالها وقلت: اسفين بس قصد سمر ان اي حاجة عنك انتي وابوها تساعد اوي في حالتها
-لا لا عادي اوي...بس لق..انا عايشة انا وجوزي حياة هادية اوي بجد.,,,قليل انا منتخانق..يعني عمري ما حصلي خيانة من اي نوع....جوزي انسان كويس اوي حياتو كلنا لبنتو لية...ولشغلو..
-قلت وانا بحاول اعتذر من الام: من بعد اذنك لازم نشوف والد فرح
-هو دلوقت في قطر اخر الشهر يجي...
-طيب...نشوفك بكرة بس انا عاوزة منك حاجة
-ايه؟؟
-تشغلي سي دي نجاة الصغيرة طول اليوم وتشوفي ردة فعلها اوك
-لقتها بتقول بخوف: ربنا يستر حاضر
-ده رقمي اتصلي بية لو حصل اي حاجة
نزلنا انا سمر جواية الف سؤال.....وسمر مصرة ان ده نوع من الهلوسة والجنون....انما انا في دماغي حجات تانية كنت قريت عنها مرة..بس هي ابعد ما تكون عن الحقيقة وانا مقتنة انها مش حقيقة...فقلت لسمر..
-سامة عن التقمص
-اه طبعاً الطائفة الدرزية عندنا في جبل لبنان تؤمن بيه
-عارفة
-انتي بتفكري يابه
-يعني.....
-لالا اوعي يا ورد الدكتور خليل خاصة لو عرف الي بتفكري بيه حيرفدك من الجامة(ضحكت)
-لالا مش زي ما انتي فاكرة انا بشك مش مؤمنة يعني..
-قصدك تناسخ ارواح
-والله حالة البنات دي معقدة اوي...اصب من الي ممكن نفكر فيه
-انا شايفة ان لو شلنا لى جنب موضوع الجنون ممكن تكون بتألف كل الكلام ده
-قلت وكأنها حطت في دماغي فكرة: يعني لو اتأكدنا من الي بتقولو ساعتها ممكن نجزم اذا كان صح او غلط
-تمامممممم هو ده
-ماشي انا بليل حشوف الدكتور خليل وابقى اكلمك
-تمام..
بيليل شفت الدكتور خليل واطلعته على كل الي حصل...لقيته سرح في عالم تاني..اصل الدكتور خليل ديما كده..تطلعي منو الكلام بالعافية...
-دكتور انا بجد حاسة ان الحالة دي غريبة....
-كل حاججة صعبة تلاقيها غريبة
-لالا بس موضوع نجاة الصغيرة غير في دماغي حجات كتيرة
-معاكي حق...البنت دي وراها سر...انا بفكر في حاجة بس مش عاوزة اقلهالك.....
-قلت بسرعة: تقمص
-بصلي بصة عمري ما حنساها راح زاعق فية وقال: لا يا ورد كده غلط..احنا حنركز في الحجات الغيبية وننسى العقل والمنطق ...تناسخ ارواح ...اوعي تدخلي في الحجات دي....احنا منتكلم في العلم...وشكلك اساسا ما تعرفيش حاجة عن التقمص عشان تربطيها بحالة فرح شاهين
وراح شايل كتاب من مكتبته ومديهولي وقلي: ده كتاب يشرحلك اكتر عن التقمص اقري....وانا مش عاوزك تفكري في الحجات دي خالص بالنسبة لموضوع فرح او اي حالة من النوع ده لان التفكير في تناسخ الارواح هروب من حقيقة اكبر
-قلت باعتذار: مش قصدي بس...كانت فكرة وخلا راحت
-لازم تروح ..ورد اسمعيني...كل جسد ليه روح واحدة...مافيش روح تخرج من جسد وتيجي على جسد تاني ...يبقى الانسان عايش بروحين...مستحيل....الجسد الواحد ليه روح واحدة..احنا مش في فيلم رعب نألفه ونخرجه....اشباح وكلام فاضي...مافيش المواضيع دي تناسخ الاوراح لا في الدين الاسلامي ولا المسيحي الا الدروز واعتقادتهم تحترم لا اكثر انما ندخلها في شغلنا لق ...(علفكرة الاستاذ خليل مسيحي)
-طب والجن والسحر
-في دي صح بس مش في الحالة دي لان فرح شاهين بتقول انها واحدة تانية والجن والسحر بيخلو الواحد نفسه اانما بيتصرف بطريقة شاذة مش بياخد رومح غيره
-سألته سؤال غير مجرى الموضوه كله: طب لو علياء درويش موجودة وعايشة؟؟
-الله هنا مربط الفرس...نعرف ازاي..
-مش المثل بيقول امشي ممع الكذاب لللباب
-صح
-انا حمشي مع فرح عشان اقنعها ان كل الي بتفكر فيه غللط وتهيأت وبكده اول طريق للعلاج
-ماشي...خليكي ماشية في الطريق ده...
-شوف رسمها يا دكتور رائع....كأنو صور فوتغرافية دقيق اوي اوي
-بصله وقال: ما هما الاذكياء والمبدعين الي بينصابو بالحجات والقد من كتر التفكير تلاقيهم حساسين اوي ..ودماغهم بتشتغل كتير
-صح

بليل روحت البيت وقعدت في قودتي...حطيت قدامي كل المعلومات من اول ما شفت فرح..
-فرح شاهين بنت هادية وذكية بتحب الطبيعة واللون الاخضر
-بتقول انها واحدة تانية اسمها علياء درويش عندها ابناء و احفاد
-بتذكر تفاصيل عن حياتهم وعارفة اسماءهم
-تعرف معلومات عن الحرب العالمية التانية
-بتحب تسمع نجاة الصغيرة...وحافظة اغنية منها
معلومات قليلة بس مهممة....رجت بصيت للرسم بتاعها........حطيت دائرة على جوز علياء الي بتقول ان اسمه جبران...جبران درويش...جبت دليل التليفونات للسنة دي وللسانوات الي قبل..اربع ساعات وانا بدور....ولا حاجة...يأست وحسيت بجد ان البنت دي ممكن تكون بتشتغلنا.....جيت انام رن التليفون....
-الو انسة ورد
-اه مين
-انا ام فرح ..
-خير مال صوتك
-حطيت سي دي نجاة زي ما قلتلك....لقتها جبت السي دي وكسرته وداست عليه وبدأت تصرخ وتقول بكرهك يا جبران بكرهك لغاية ما داخت ووقعت وسخنت وجيه الدكتور خفض الحرارة ونامت وهي بتقول مش حسامحك بكرهك
-قلت بخوف: ما اتصلنيش بية ليه فورا
-اتلخمت
-من الصبح حكون عندك
-ما تتأخريش ارجوكي فرح حالتها بتسوء..
-راقبيها وسجلي كل كلممة بتقولها دلوقت الكلام و هي نايمة مهم اوي
-حاضر
قفلت وانا في بالي الف سؤال يا انا يا انتي يا فرح شاهين...
م
ن
ق
و
ل